* hidden track

ois war ganz normal heid friah, sie ham no g´frühstückt mitanand
heid is da letzte schuadog, moang flackans scho am strand
da schuibag is heid so schee leicht er is bloss hoibat voi
de oanzigen de lachan des san d´ lehrer in da schui
de oanzigen de lachan des san d´ lehrer in da schui

pünktlich hod de glockn gleit, da schuihof is schee laa
mit am rouden nylonseil steigt er auf den baam
der direkt vor dem fenster steht in dem sei klass jetzt sitzt
do wickelt er sich’s um an hois un binds am baamstamm fest
do wickelt er sich’s um an hois un binds am baamstamm fest

do sitzt er jetzt und tränen laffan über sei jungs gsicht
er denkt ans letzte schuijahr bloss ärger, angst und stress
3 sechser und 2 fünfa, sei zeignis wa scho druckt
hod da lehrer gestern gsogt zu eam und de ganze klass hod glacht
hod da lehrer gestern gsogt zu eam und de ganze klass hod glacht

a lehrer wie des land und wia de leid de de regiern
arogant und zynisch- nie für wos geniern
a kinderseelenmörder hochbezahlt und g´schützt
der schaut jetzt zu dem baam hi, auf dem sei schüler sitzt
der schaut jetzt zu dem baam hi, auf dem sei schüler sitzt

ganz langsam wie in am tram lasst er si foin und schautn oh
de ganze klass springt auf und schreit, da lehrer steht bloss do
a kurzer kampf mim doud er zuckt und wackelt hin und her
oa zeignis bleibht heid übrig er braucht koane noten mehr
oa zeignis bleibht heid übrig er braucht koane noten mehr

s´ telefon klinkelt um hoibe zwoa, de polizei ruaft oh
bittschen kemmas schnell vorbei, sie und erna mo
was furchtbars is passiert, wir wissn ned warum
wartens ned auf ernan buam er kimmt heid nimma hoam
er kimmt heid nimma hoam er kimmt nie wieda hoam


hee leher lossts eich song, es wenn’s so gscheid seits und so gross
an 6-er griagts in menschlichkeit wos is bloss mit eich los?
und oan griagts nu in freundschaft, und oan griagts im verlass
mit zwoa 6er seits durchgfoin moang sitzts scho auf da strass
mit zwoa 6er seits durchgfoin moang sitzts scho auf da strass

an oansa griagts im kriacha, an zwoara griagts im liang
und nu oan griagts in arroganz und im kinda kreizverbiang
und wenn’s wirklich ois z´bläd seits, dann denkts eich nix dabei
irgendwann werd da job von unsan kultus minister frei