jetzt kimmt a liad, des hat oan lustig`n titel, des liad haß`t wintertraum.
der titel is desweg`n lustig, weil i des liad im sommer g`schieb`n hob. ge..


obwoi i hoff`, dass bloss am winter lieg`t
dass i so frie`r in letzter zeit
und meine finger, klamm und steif sein`
mi nix mehr aufbau`n konn und nix mehr `freit
und mi vor kält`n s`red`n schwa` foi`t
und merk, gefühle `fria`n gonz longsom in mir ein
hob i doch angst, dass a, wenn`s wieder frühling wird,
doch nur winter in mir bleibt

find koan`e worte mehr, für wärme
eisbleamlan bliah`n, de nea´mma tau`n
schneeflock`n klirr`n durch meine adern
wie in an oid`n wintatraum

i geh zum of`an hin, und hoff
dass er die angst in mir vertreibt
die angst, dass a wenns wieder frühling wird
doch nur winter in mir bleibt

zuagfroa`na blick, ois is wia im neb`l
koa` klare sicht, i siehg koan weg mehr vor mir
i steck im schnee und kimm` koan schritt mehr weit`a
nea´m`t gibt ma` d`hand, der mi do aussaziagt

i hob des g`fui, dass olle meine wünsche
a koita wind, auf`s meer n`aus treibt
und z`ruck kimm`t, mit an winta,
der a, noch`n frühling, in mir bleibt

eis, schreit vor schmerz, a wöid de tau`t
die ersten blumen, weich und warm
strecka`n se aus und blinz`ln auff`e in himm`l
und sonnen`s zärtlich in ihre arm
va`lor`ne seel`n schleicha`n über wies`n
und lass`n si` treib`n in an warmen frühlingswind
und i steh do, ein`ghüllt in an mantel
und an winter in mir, der koa ende mehr nimmt
ja i steh do, ein`ghüllt in an mantel
und an winter in mir, der koa ende mehr nimmt