und des liad, des hob i mein` papa gewidmet. do derfts olle mitsinga, wennt`s mechts geh... owa bloß beim refrain, weil sonst kimm i oiwei draus! vielleicht derf i`s nu moi kurz erklärn, für de, des nu ned wissen... mei voda is so, wia ma se an vodan vorstellt, der meine is neban kopf a nu bled! owa, trotzdem a so is wia a is und i wern`a nimma ändern kinna - im grunde genommen is ma a wurscht, i hob ned vui mit eahm zum toa. hod a ganz a guade angewohnheit: immer im frühjahr geht er ausse in unsan garten und buddelt den ganzn garten um. wir hob`n koan groußn gartn - er hod ned vui arbeit, sonst dad i eahm helfa! owa des stück`l kann`a alloa a umgrab`n... und... oiso wir hob`n scho a grouß` groundstück - da garten is owa ziemlich kloa, weil mei voda war 30 joahr beim bau beschäftigt und oiwei, wenn er a fuhre teer g`schenkt kriagt hod, do is`a eine in hof! jetzt is vom garten ned vui überblieb`n! und... wenn er dann in garten umbuddelt hod, dann geht er ausse mit seine göibe ruampflanzen und kohlrabisamen und pflanzt do draussn des ganze zeig o... und mir san drei buam dahoam; mir gengan mit unsare samen ausse und pflanzen de o! und weil`a bis heid nu ned g`schnallt hod, wos wir uns do draussn o`pflanzen... und wir san olle drei arbeitslos - mir san ziemlich vui im urlaub... muass a se oiwei drum kümmern - bis hiazt is oiwei wos wordn! oiso i moan, der sommer war sowieso beschissen, geh! hiazat is a bissl aufganga... bei meim voda is des wahnsinnig einfach, do wennst irgendwos in garten ausse setzen magst - i moan es is ja sei garten, geh... da besteht er imma drauf, dass des sei garten is... dann fragt`a oiwei wos des is, dann sog i oiwei zu eahm: "du, i hob koa ahnung, i hob de samen g`schenkt kriagt, de san aus thailand - des soid echt sche blian des zeig!" naja... und ois, ois wos bliaht derf do eine in den garten, geh und... und wenn er dann im herbst sche langsam schnallt, dass des zeig ned bliaht, sogt`a immer: "hiazt wirds zeit, dass i eia graffl wieda aussa reiss." des dearrn ma dann imma ganz schnell! er wundert se bloß oiwei a bissl, warum`s dann im speicher hängt! und ende november, oiso... naja ende oktober - anfang november, wenns dann a bissl kälter wird drauss`n, dann... dean ma immer erntedankfest feiern dahoam.... und... je nachdem wiavui dass ma uns o`baut hobn.... dauert des zwischen 14 tog und 6 wocha! do werd`n de letzt`n schena tog ausg`nutzt... und dann sitz i mi dann oiwei ausse vor mei haustiar und... ziag ma do so ganz g`miadlich oan eine... und dann schau i mein voda oiwei o - der sitzt auf da hausbank - dann denk i ma oiwei: "sigt`as papa, du brauchst fast a ganze kisten weißbier, bist genauso prall bist, wia i mit drei zühg`!" i spui des liad a immer unter dem motto, wenn mehr`a von unsare oidn ab und zua wos raucha tatn, dann gabat`s weniger verhaltensg`störte kinder. i hob hiazt scho wieder a paar leit kenna g`lernt, de hob`n absolut nu nia wos g`raucht, geh hehe! .... fiar de hob i a nu a liad dabei, geh des sog i dann später! i woas ned, ob`s ihr wisst`s, dass i letztes jahr im urlaub war in jamaika und seit i in jamaika... oiso jamaika is ja das land der gräser und der farne. wo i sogn muas, das mi de farne überhaupt ned interessiert hob`n, geh! seidem i do druntn war, spui i des liad mit`an ganz andern bewusstsein, geh.