oan´s, von meine öltast`n liada, nit oans, sondan des öltaste überhaupt,
wahrscheinlich desweg`n, weils des erste is, was i g`schrieb`n hab. i bin
damals noch in de berufschul gonga`, in berchtsgod`n, und do bin i
oiwei an zug späta eineg`foan, wie meine freind, des hot natürlich an
grund g`hobt, i hob domols an oi`tn dreckat`n parker g`hobt, und meine
freind, olle a lederjack`n. und wi`a mei vadder dann z`weinacht`n, mei
erste lederjack`n g`schenkt hot, bin i a wieder pünktlich in`d schui`
`kemma. und des liad sing i heit, für all` diejenigen, die da selben
verfassung sein, wie i damals. daß sie halt moan`a, sie kenna` ohne
lederjack`n nit auf de straß` gehn. des liad hoaßt: kaf ma uns a
lederjack`n.