dos liad, was i jetzt spui', das heisst "schaamt's eich ihr ruhig für mi"
und i spui des für so leit, de seit einigen joah'n und seit long'a zeit
ewig um mi rumschwanz'ln und mir erzähln, wia i wos moch'n kannn,
damit is am schnellsten zu was bring. irgendwo in dem liad' erklär is dann,
dass mi's kreitzweis und spiralförmig kennan. und i spui des für die leit,
de sich oiwei für mi schaam'a ....gö..

imma woa a wer do, der ma sein schmorr'n vorgred' hot
der ma rat'schläg' geb'n hot, wia ma richtig lebt
der ma g'sogt hot, wia is zu was bringan konn
und der ma vor'gjammert hot, wos ma no ois fehlt

mei vater hot' ma g'sogt, i soi es bess'a hob'n wie er
und hot mi z'wunga, dass i soch'n moch, de i gor net woi't
hot ma g'sogt, wia ma se onziagt, und wia ma se' benimmt
und wann i ma de hoar obschneid'n soi't

in da schul wolltn's ma lernan, wos i mei leb'dog eh nimma brauch
und wie i ea'm davo'r in sein arsch eine'kriach
dass i a, wenn i im recht bin, mei mai' holt'n muass
und wia ma leit, de ma net mog, freindlich griass't
wia me se bedankt, für jed'n scheiss,
und dass der ehrliche oiwei da g'scheide is
aba nur wenn i des toa' tet, wos ma ihr do vorn da sog's
dann hät' i a de besser'n not'n kriag't

schaamt's eich ihr ruhig für mi, i schaam mi a so für eich
lasst's mi moch'a, wos i moch'a mog, ja, i red eich doch a net drei'
lasst's mi onziag'n wos i mog, lasst's mi mei' lebn lebn, wia is va'trog
seid's froh, dass net tausch'n miasst's mit mir
i tat mi a net wohlfühl'n, wenn i war wie ihr

imma hob i's gfui g'hobt, dass irgendoana hinta mir steht
der mi zu dem moch'a mecht, wos er jetzt grod braucht
der mir g'sogt hot, dass i anständig ess'n soi
aber i hob g'fress'n wia de grösste sau
i moch's gegenteil von dem, wos ihr glabt's, wos i mocha soi
und meine hoar schneid i, wenn's eich nimmer stör'n
leckt's mi doch kreizweis, wenn's mi wollt's
aber hört's endlich auf, des geschwafel konn i nea'mma hear'n

i hob's good-sei-dank, bis heit noch nit nötig g'habt
dass i moch, was and're leit zu mir sag'n
hob an der isar drunt'n, pennt, weil i koa wohnung g'fundn hob
und für a loch, woll't i net fünfhundert mark zohl'n

i sog wos i mog, und wenn's eich alle noch so wenig passt
und wenn's olle glabt's, dass i's nia zu wos bring
vui schlimma war's für mi, dass i sowieso irgendwann gspann
dass i bloss oh'glog'n worn bin, mei gon'z leb'n

schaamt's eich ihr ruhig für mi, jo leit, i schaam mi a so für eich
lasst's mi moch'a, wos i moch'a mog, i red eich doch a net drei'
lasst's mi onziag'n wos i mog,
lasst's mi aus'gflippt ummanonda renna' jed'n dog
seid's froh, dass net tausch'n miasst's mit mir,
i tat mi a net wohlfühl'n, wenn i war wie ihr,
seid's froh, dass net tausch'n miasst's mit mir
i tat mi a net wohlfühl'n, wenn i war wie ihr