hiazat... muas i wieda an appell an eich richten, jetzt kemman zwoa bissl ernstere liada und zwar... i sog immer, wenn ma moi so a stund` oda oan a viertel stund` g`lacht hod, dann kann ma a aufpassen und i glaub ihr passt`s auf - des hob i vorhin scho g`merkt. i mecht eich hiazt a gedicht aufsog`n - des gedicht hoasst: "mei angst" - und i hob des g`schriebn... kurz nachdem des passiert is, in da udssr mit dem kernkraftwerk. i hob ma damals wirklich überlegt, warum i de letzten 8 oder 10 joahr zum demonstrier`n ganga bin. warum i mi niederknüppeln lass`n hob in wackersdorf, warum i anzeigen kriagt hob, weg`n raumfriedensbruch und hausfriedensbruch. oder vorstrafen a kriagt hob, wegen sowas geh... und bin zu dem entschluss kemma, dass des wahrscheinlich dafür war, dass` ma heid erzähl`n, i soi des g`müs aus mein garten ned fress`n und de marill`n ned sauffa. für mi hod se seitdem des passiert is in... mit tschernobyl einiges geändert, scho amoi... oiso, scho amoi de einstellung zu `ner demonstration. i bin immer friedlich do hin g`fahrn... und i hob 10 joahr lang koa erfolgserlebnis g`hobt und wenn i heit nach wackersdorf fahr`, dann mag i wenigstens ab und zua oans hob`n und sei`s nur, dass i an polizisten zammfahr`n lass... i bin wirklich ned der typ, der da zur gewalt aufruft, owa... und de polizisten san eigentlich a bloß de armen schweine, de für den scheissdreck de unsare politiker machan, de köpf` hinhalten, owa se hoitn`s hoid amoi hi, geh... dann denk i ma - oiso ois, was hiazt kimmt in da nächsten viertel stund` / hoiben stund` is mei meinung und i bin ganz froh, dass i de meinung hob, weil zu dera meinung kann i steh`! wenn irgendoana a andere meinung hod, dann kann er`s vielleicht für sich behalten, bis i fertig bin und dann kann er auffa geh`n und kanns kundtun, geh! i bin da meinung, wenn da herr strauß zu mir sog`n kann, dass i a perverses gehirn bin, weil i sei` partei ned wähl`... oda i bin a potentioneller verbrecher, weil i a kernkraftgegner bin, ... dann kann eahm i durchaus sog`n, er is für mi a dreckiger faschist! hinter mir sog`n olle wos, wos denk`n, owa es sogt koana. bin i dafür, wir dean`s olle, geh! mei angst:

ihr vabuiffats milliarden, ihr sprengts in d'luft und lassts krepiern.
sperrts junge leit ei in kasernen und züchts eich menschn ohne hirn.
ihr lassts behinderte um rentn bettln, führts eich wia götta auf, habts macht,
ihr bestimmts wer heit studiert und wer de dreckarbeitn macht.
machts politik für a boor leit de eich nu zoin, langts zua und lachts.
ihr seits erpressbar wia a kind dem ma an guatl gibt, daß schlaft.
verbauts de wöid, leere versprechn und hoits doch nix von dem wos sagts.
ihr seits nu übabliem von damois, und hoits de oiden zeitn wach.
früha hams hitla ghoaßn, himmla, heit hoaßns geißla, streibl, stauß
früha warns d judn, heit der türken, es kommt se oia aufs söibe raus.
ihr schürts den hass von millionen und suachts für eire fehla leit
de ma vahoazn kon, wia damois und koana merkt, wos ihr do dreibts.
ihr fressts eich voi in eire hüttn, lachts eich an arsch voi über de,
de auf da strassn stehn und friern und kämpfen für a guade idee.
ihr machts do weida, wo des aufgheat ham, a hand voi nazis, a boor leit
de heit regiern un hunderttausend de hirnlos drunten stehn und schrein.

danke!