Wenns stressig werd - Hans Söllner Songtext

Wenns stressig werd
Bild: Hans Söllner - Luzern Schüür - 21.10.2011

Hans Söllner
Folk Reggae


Wenns stressig werd
Geschrieben wurde Wenns stressig werd von Hans Söllner
WENN I AUF`D NACHT UM FÜNFE, VON DER ARBEIT HOAM FOAH
ERLEB I OIWEI SACH`N, I GLAUB, DES IS NIT WOAH
AM RING, STENGA`N DE AUTOS, OAN`A SPEIBT BEIM FENSTA RAUS
A MUATT`A FOTZT IHR`N LIEBLING HER, ..HASCH WER`D VERKAUFT UND G`RAUCHT
MI`A ZOAG`T OANA, AN VOG`L, DRAUF ZAG I EA´M MEI ZUNG`
ER MACHT A FAUST, UND PLÄRRT, I NIAT DI` FEI` GLEI UM
DANN SIEHG I OAN, MIT AN MOFA, SO MANCHER KRIAG`T AN HASS
A TÜR GEHT AUF, AN PLÄRR`A HEARST, DANN FLAGG`T ER AUF DA STRASS
JA UND DANN ZIAG I MEIN WALKMAN FIR`E UND SCHIAB` A KASSETT`N `NEI
DRAH AUF, DASS I MOAN, MIR HAUT`S MEI TROMM´LFELL AN`D SEITN`SCHEIB`N
MI BRINGT SO LEICHT NIX AUS DER RUAH, I FLIPP NIT SO SCHNELL AUS
WENNS STRESSIG WERD, ZIAG I MEIN WALKMAN RAUSS

JETZT STEH I DO, IN PIDING, VOR DER`A DISCOTHEK
BIN FURCHTBOA AUSG`FLIPPT ONZOG`N, WEIL I AUF AUSG`FLIPPT STEH
OIS GLITZERT AN MEIN KÖRPER, DE HOS`N, SCHUA` UND HEMD
DO SOGT OAN`A ZU MIR, ER MECHT AN CLUB-AUSWEIS SEG`N
I SOG, LEG DI NIT OH` MIT MIR, WEIL I A BOXER BIN
ER GRINST, BIS ZU DE WASCHL`N `NAUF, DANN SCHÜTT´LT ER DE BIRN
UND WEIL ER GROD NIT AUFPASS`T, HAU I EA`M A G`SCHEIDE IN SEIN SACK
WAHRSCHEINLICH, SPRINGT ER HEIT NOCH, VOR ER DISCO AUF UND AB
JA, UND DANN ZIAG I MEIN WALKMAN FIR`E, UND SCHIAB A KASSETT`N `NEI
DRAH AUF, DASS I MOAN, MIR HAUT`S MEI TROMM´LFELL IN`D TÜRSTOCK `NEI
MI BRINGT SO LEICHT NIX AUS DER RUAH, I FLIPP NIT SO SCHNELL AUS
WENNS STRESSIG WERD, ZIAG I MEIN WALKMAN RAUSS

SEIT REICHENHALL EIN KURORT IS`, UND DES IS JETZT SCHO` LONG
IS DES, DES GRÖSSTE OLTASHEIM VOM BRENNER, BIS GROSS-WANG
DO KEMMA` JED`N SUMMER, HUNDERTTAUSEND HIN, ZUM STERB`N
A HALLE, HOBN´S ZUM PROBELIEG`N, A PARADIES FÜR`D FLIAG`N
JETZT HAB`NS IM "HAUS DER JUGEND", EINEN WAHNSINNS DISCO-RAUM
WENN`S DRAUSS`N REGN´T, BRAUCHST DRINN` AN SCHIRM,
S` BIER, KRIAG`ST SCHON OHNE SCHAUM

A JEDA AUFRUAH WERD IN REICHENHALL, IM KEIM ERSTICKT
FÜR DES GIBT`S A KASSERN, DO WERST DANN RICHTIG G`FICKT
JA, ABER I ZIAG MEIN WALKMAN FIR`E, UND SCHIAB A KASSETT`N `NEI
DRAH AUF, DASS I MOAN, DASS MIR MEI TROMMELFELL GLEI` Z`REISST
MI BRINGT SO LEICHT NIX AUS DER RUAH, I FLIPP NIT SO SCHNELL AUS
WENNS STRESSIG WERD, ZIAG I, MEIN WALKMAN RAUS

JETZT LIEG` I DO, AN DER ISAR, GANZ NACKERT IN DA SUNN´
DES WASSER MUASS SO SAUBER SEIN, MI JUCKT`S VORN BIS OB`N
DE LEIT, WO OBER MIR LIEG`N, JUCKT`S A SCHO` DE GONZE ZEIT
A MOI´ GEH I NOCH EINE, DANN HOB I G`NUA, FÜR HEIT
JETZ LIEG I IM "RECHTS DER ISAR", AUF DER ISOLIERSTATION,
MEI G`SICHT IS VOLLER KRETZ`N, MEINE HOA`, FLAGGERN AM BOD`N
DA DOKTOR UND DE SCHWESTER, PLÄRR`N MA BLOSS, VON WEIT`N ZUA
MEI KROPF, WACHST WIE A BLED`A, I SCHAUG EA`M IM SPIEG`L ZUA
ABER I ZIAG MEIN WALKMAN FIR`E, UND SCHIAB A KASSETT`N `NEI
DRAH AUF, DASS I MOAN, DASS MIR MEI TROMMELFELL GLEI` Z`REISST
SOLL`S KREPFAL RUHIG WACHS`N, KRETZ`N MACHA` MIR NIX AUS
DE HAUPSACH IS, MEIN WALKMAN SPUI`T A MUS`AL AUS,
JA, JA, WENNS STESSIG WERD, ZIAG I, MEIN WALKMAN

Wenns stressig werd - Alben




Deine Bewertung

Wie gefällt Dir Wenns stressig werd?
Bewerte jetzt mit 1-5 Sternen
  • Aktuelle Bewertung 4.8/5 Sterne
  • 1
  • 2
  • 3
  • 4
  • 5
Resultat: 4.83 von 5 Sterne bei 12 Stimmen