Väter - Hans Söllner Songtext

Väter
Bild: Hans Söllner - Luzern Schüür - 21.10.2011

Hans Söllner
Folk Reggae


Väter

So und jetzt va´rot i eich a noch Geheimnisse, mei Opa hasst Josef und
mei Oma haast Maria und i bin am 24.12 gebor´n. Mei Voda wollt mi
noch amoi seg´n auf da Bühne, ge, und es is, es woa amoi...mei Voda is
leida g´storbn und i woid Ihn heit mitbringá, oba des woa a so a Stress
do im Landratsamt bis i,de.. i derf des net, bis i de.. i muass diese Urne
praktisch dort drüben lassen, und des......, do hot mei Voda do praktisch
a so a art „Einlega-Wohnung.“ ..... am Friedhof von Marzoll. Und do
taugts ea´m a gonz guat, hob I des g´füi. Monchmoi b´suach I eam in
der Nocht. Do is dann zuagsperrt, damit de do nit obhau´n, oda was..
Do is da Friedhof, de sperrn, den Friedhof zua, jo, damit i glab, jo, i
glab, dass das wirklich damit zu tun hat, dass da nit irgendwodo in der
Gegend ummananderkreb´sn und Leit da´schreckan. ... I muass
praktisch zu mein Voda einsteig´n. Wenn i ihn auf´d Nacht b´suachn
mecht, im Friedhof, dann muass i praktisch „einsteign“. Oba, des war
dann z´fui Stress und i hob ihn dann am Anfang, ... hob i...wie er
g´storbn is, hob i an Antrag g´stellt beim Landratsamt in Reichenhall,
dass i mein Voda im Komposthauf´n beerdigen derf, dass hob´n gsogt:
Aus Umwelttechnischen Gründen is des net genehmigt, weil do
irgendwie, i woass net, des Grundwasser oder irgendso a... weil´s do
irgenwo verseuchen kant´st, Und do hot mei Voda, i wollt eam so gern
amoi seg´n, do hot er leider Gottes, hot des... is irgendwie einfach...
sozusagen das Leben dazwischen gekommen – und zum Leben gehört
einfach einmal der Tod dazua – Für mi´ is der Tod jetzt nix traurigs,
weil i woass einfach von Anfang an, .... net von Anfang an, de ersten
poa Joah wass is net... oba späta, wenn i oamoi des Denka onfongan
kann, do woass i einfach , dass der Tod irgenwann kimmt und somitt
konfrontier i mi einfach damit. Des hasst, irgendeinmal kimmt a Jeder
von uns in ein Alter, do stirbt irgendoana weg. Da Vater, oder d´Muata,
oder G´schwister, ma wird ölta, oder so, und donn is ma einfach damit
konfront.., Das iss´a so, und des wird a gonz a normale Sache, >Und i
find des jetzt a nit dramatisch wenn oana stirbt,oder ? i sag, des is halt,
irgendwie.... mein Gott.... va´stehst, Also fui schlimmer war´s, wennst
ewig leben tat´st. Wissát i einfach, dass der Beckstein noch 200 Joah
do is........hahahaha.........Und i glab holt, dass der Jesus ein
Zufallstreffer war und der wahre Sohn Gottes, der „Ötzi“ war. Weil der
Ötzi hat a einen Hanf dabei g´hobt, hobn´s g´sog wie´s eam g´fundn
hob´n. Allerdings „Hanfsamen“, Der war wahrscheinlich auf der Flucht
vor Bayern, - richtung Österreich. Und hobms gsogt, Da gründ ich mir
dort drüben eine Existenz. Also, ja, dos sieg i des scho´so, ge,
......klatsch, klatsch...... und dann is der Ötzi auffe auf´n Berg,
woascheinlich irgendwie... mit seine letzten Brösel... weil recht fui hot
er neamma eingebn, de , des bayrische Innenministerium woa schon
hinter ihm her, und dann hot er gsogt, i konn neamma so fui
zammpacká, so Hanfsama, so Brösel vom Tisch oba, so eine.in´d
Hosentascha auffe auf de Ill´s,oan rucksack hot er dabeighabt, an
Hanfbeutel, Hanfschuah, glaub i, i glab der ganze Typ war aus Hanf. I
hob geglabt, den kannst oh´zünden, dann Brennt der. Also... i woass
gornet... drum glab I , hobn´s eam in a so a Stahlkammer eingsperr,
dass koana hinglangen kann, so.... schnüff.... oh, gemma heit zum Ötzi,
a bissl riachá.....Ah.. schnüff...und dann, .va´stehst, von wegen Ötzi.....
nix in de Schule und so..Abitur mochá und so, dass´d wenigstens drei
Joah später erst Arbeitslos bist. Dann hab´ns den Ötzi do.... geh auffe
auf´n Berg.. schaug do obe auf Bayern, und sagt, jo... Abschied
nehmen ... baut se do a Tüte, ....... und dann is der Gletscher kemma, in
der Nacht.... und dann war der Ötzi neamma do. Weil´s jo allgemein
bekannt is, dass d´Kiffer recht langsam werd´n und do is jo so a
Gletscher, praktisch... der wird schnell.

Väter - Alben





Meine Empfehlung Amazon

CDs, DVDs, BluRay und Streaming

Deine Bewertung

Wie gefällt Dir Väter?
Bewerte jetzt mit 1-5 Sternen
  • Aktuelle Bewertung 4.8/5 Sterne
  • 1
  • 2
  • 3
  • 4
  • 5
Resultat: 4.83 von 5 Sterne bei 12 Stimmen