Hoffnung - Hans Söllner Songtext

Hoffnung
Bild: Hans Söllner - Luzern Schüür - 21.10.2011

Hans Söllner
Folk Reggae


Hoffnung
Geschrieben wurde Hoffnung von Hans Söllner
manchmoi muast einfach bloß a bissl warten
manchmoi bist einfach bloß z'fria dro
und wennst merkst das'd grod an fehler machst
dann vaschiab'n wennst as no konnst
koana werd da heid nocht zuahern
koana gebt da heid nocht d'hand
heid nacht geht's um dei seele
heid nacht geht's ned um dein verstand
du konnst as fast nimma dawartn,
so gernd dadst es eana song
oba heid nocht da versteht de neamds
sei stad sunst bringans de um
koana hod wos davo wennst doud bist
host so scheene augn

de leid do drauß de brauchan di
weil sa se ohne di ned traun
hee geh a bissl mit deine gedanken
kimm man geh a bissl mit deine fiaß
speer auf deine ohr'n und hoach eam zu
da wind hod wos zum vozäin
er sogt, du soist heid stad sa
dei zeit is no ned reif
an winter gibts mit sicherheit
an und an summa gibts bloß vielleicht
jaa die gerechtigkeit is a scheene nuttn
de mim justizminister bumst
sie is bloß wos für die reichn
der arme hod zwoa g'sunde händ
sei freiheit geht bei dir bettln
jo oba fickn lasst sa se ned
da g'scheidaste is bloß so g'scheid
wenn nan da dümmste no versteht he,
da g'scheidaste is bloß so g'scheid
wenn nan da dümmste no versteht

Oba imma wieder host a bissl hoffnung
das irgendwann amoi wer vasteht
das babylon, babylon brenna muas
weils freiwillig ned geht
die mächtigen hänga am galgen
meine sehr geehrten herrn
wir leisten dem a keine folge
mia schaun eich zua beim sterb'n hey

so griags ois an nam und a datum
koana soi späda song
es hod o'gfangt an am montog
daweil woas a donnerstog
an am sonntog woitn's wieder afhern
eiz dauerts scho z'wangst joar he
imma wieder kimmt a montog
imma wieder fangt irgendoana o
ihre küsse und ihre tränen
san a brunnen in dera zeit
die luft is hoas und truka
oba zum trinka hod koana mehr zeit
gestern da warst no a präsident
heid stehst da vorn an dera wand
ja gestern da warst no a bäcker
heid host a g'wehr in deina hand

a polizist war da mörder
sei vorsichtig wennst des sagst
mia wissn das's die wahrheit is
mia wissn ned wer die wahrheit vertragt
a polizist war a lügner
und koana helft zu dir
du host bloß die wahrheit g'sagt
und bist ei'gsperrt word'n dafür
deine worte san wia gebete
dei lacha ergibt koan sinn
dei geruch steigt ma wieder in d'nosn
und i bin des wos i bin
mit da gitarre steht a vorm kaufhof
singt a lieder übern chef he
großer gott wir loben dich
koana woas wias weiter geht ja
großer gott wir loben dich
sog uns du wias weida geht

Oba imma wieder host a bissl hoffnung
das irgendwann oamoi irgendwer versteht
babylon muas vabrenna man
weils freiwillig ned geht
die mächtigen hänga am galgen
meine sehr geehrten herrn
wir leisten dem a keine folge
do schau ma eich zua beim ster'm

he du host g'sagt du host as ned
du host g'sagt du werst as nie griang
oba wer oamio liegt dem glabt ma ned
der konn oiwai wieda liang
i kenn oiwai nur blos mei wahrheit
und de is einfach sauber rein
ihr waschts ma ned mim ariel
mei schwarze seele weiß
i setz mi hi zu eig und verhungert
mei geist werd nimmer satt
i schaug eich zua bei eiam kriag
und langsam werds mei kampf
ohne waffen, ohne doude,
ohne schmerzen, ohne bluad
zornig, bös in meiner sprach
oh gott wia guad des duad
wenn i eich song ko das is af eich scheiss
und af eiare rechte vazicht
eiare gesetze de mog i misachten
weil koans mehr wos vaspricht
und wenn dann in na sprach
de i nimma vasteh he man
wenn du ned mit mir klarkimmst
dann geh du mir aus'm weg

meine fraun ham mitanand 13 kinder
des is pech host du zu mir g'sagt
oba a glück wa wenn i no a kind kriaged
weil i dann 14 kinda hob
blonde haar, roude haar,
schwarze san dabei hey,
koana wa da erste
koana wird da letzte sei
koana wa da erste
koana wird da letzte sei

Oba imma wieder host a bissl hoffnung
das irgendwann oamoi wer versteht
dass babylon, babylon brenna muas
weils freiwillig ned geht
die mächtigen hänga am galgen
meine sehr geehrten herrn
wir leisten dem a keine folge
wir schaun eich zua beim ster'm

ja mann manchmoi muast einfach bloß a bissl warten
manchmoi bist einfach bloß z'fria dro
und wennst merkst das'd grod an fehler machst
dann vaschiab'n wennst as no konnst
koana werd da heid nocht zuahern
koana gebt da heid nocht d'hand
heid nacht geht's um dei seele
heid nacht geht's ned um dein verstand
heid nacht geht's um dei seele
heid nacht geht's ned um dein verstand




Meine Empfehlung Amazon

CDs, DVDs, BluRay und Streaming

Deine Bewertung

Wie gefällt Dir Hoffnung?
Bewerte jetzt mit 1-5 Sternen
  • Aktuelle Bewertung 4.8/5 Sterne
  • 1
  • 2
  • 3
  • 4
  • 5
Resultat: 4.77 von 5 Sterne bei 13 Stimmen