des nächste stück, des jetzt kummt, des hob i für mein...
nach meiner letzten gerichtsverhandlung g'schrieb'n.
des hob i für so vermieter g'schrieb'n, wie'a fürn
friedinger heinz, der wohnt in der entenbach-strass'.
foahrt an schwar'n mercedes, und die lech'a, de er vermiet',
san unter oller sau.. des liad hass't gerechtigkeit, und de letzte
strophe in dem liad, de hob i g'schrieb'n für den... domols wie's
den buam in garting d'erschoss'n hob'n, so rein aus versehen...
wo koana dafür verantwortlich g'mocht word'n is.


jetzt steh i, im gerichtssaal,
da richter schaug't mi oh
der staatsanwalt, geht wie a geier auf und ob
dann sog't der typ, mit sein kapp'l
und dem saubled'n g'sicht
herr angeklagter, so geht das natürlich nicht
wo kam' ma hi', wenn a jeder, der a bissl ärger hot
sein hausvermieter, glei da'schlogt

i sog, i hob ihn no' net da'schlog'n
a biss'l lebt er ja noch
des konn doch i nit' wiss'n,
dass er nix vertrogt der mo'
und ausserdem, war er nit g'stolpert
war ois nit so schlimm
es war'n doch eh bloss, 15 trepp'n,
a gonz a kurze stieag'n
oba oans versprich i ea´m, dem typ'n
sollt i ihm noch amoi seg'n
dass i ea´m nockat auf der südseit'n,
zum fenst'a ausse häng

sie san' nit g'frogt, plärrt der richter
wenn's jetzt noch amoi stör'n
zohln's gleit a g'scheite straf
i mog jetzt nix mehr hör'n
da staatsanwalt, kimmt umma
und sagt ma' dann
i soi de g'schicht noch moi verzähl'n
und zwar von onfang an
für diesen fall, moant er sein fufzehn monat woi net zfui
wo kam' ma hi', wenn a jeder mochat, wos er grod wui

i sog, i woa am montag friah,
beim vermieter drin't
und hob ihm freudestrahlend verzölt,
mei frau kriagt a kind
drauf hot er bloss, recht saudumm g'lacht
und mi anschliessend g'fragt,
hob'n sie scho' einegschaut in ea'nan mietvertrag
do steht drinnan, ganz gross
"haustiere san bei mir nit erlaubt"
des is a kündigungsgrund,
und in sechs woch'n san se drauss'd

i sog, i glaub, sie hob'n si' doch a kloan's biss'l va'hört
mei frau bringt a kloan's kind,
und koa meerschweind'l auf'd wöid
des is mir wurscht, hot er g'sogt
des kimmt doch ois auf's selbe raus
ob des a kind is, oda a meerschweind'l -
nicht in meinem haus

i hob bett'lt i hob g'reart, aber er hot mi nit erhört
herr staatsanwalt, und dann is' hoit passiert

sie seg'n herr richter,
sogt der staatsanwalt, ein nied'riger g'rund
do plärr i fire, holt doch du dei fotz'n, du saudummer hund
wer heit a frau vergewaltigt,
kriagt fünf monat - net amoi
daschlog't a muatta ihr kind,
is' fast a versicherungsfall
do mochan's werbung, leit mochat's kinder
de deitsch'n sterb'n bold aus
da teif'l soll's hol'n
de scheiss vermieter, sammt'n haus

neun monat hob i kriagt,
ohne bewährung, ganz klar
weil des a eindeutiger fall,
von selbstjustiz woa
wär i wos bess'as g'wess'n,
war ma des bestimmt nit' passiert
oda polizist, der im namen des volkes
kloan'e kinder da'schiasst
oba i konn eich goa'net sog'n,
wie i mi trotzdem drüber g'frei
i we´ oiba a kloanes oarschloch,
unter lauter grosse sei'