beim nächsten stück, muass i wahnsinnig weit aushol'n, und
zwar is des wieder für so an speziallen freund von mir, des liad
hoasst, fürn a.kiermann, und i hol desweg'n so weit aus, weil
von der erst'n strophn sich die zöllner von bayrisch gmein-
grossgmein a betroff'n fühl'n kennan. i hob denan a gedicht
aufgsogt, und des is ma gonz spontan eing'folln an der grenz,
ge, und des hot vierhundert mark 'kost, drum spui i heit do, ge,
und zwar bin i do rüber g'foan, von österreich bin i kemm'a.
und donn hot er wahrscheinlich gmoant, i hob mein haschisch-
monatsbedarf wieder a bissl aufgebessert, in salzburg, und hot
g'sogt, i soll mein kofferraum aufmocha, hob i donn aufgmocht,
donn hot er ma ois rausramm'a loss'n was do drinnen woa. des
woa brutal, ge, wos do ois in mein kofferraum woa, des hob i ois
goa net g'wusst. ...wahnsinn, und dann hot er sich eineg'setzt ins
auto und hot de, de anlag, mein kasettenrecorder eing'schoit, und
hot g'merkt, dass die rechte box nit geht, dann hat er g'sogt, i soi
de rechte box ausbau'n, ge, donn hob i de rechte box ausbaut, und
wie er mei gonzes auto z'legt hot, san oanaholb-stund'n vergangen
g'wes'n, dann hot er do den pass z'ruckkriag't, den lossn's doch do
so durchlaff'a, und dann hot er eineg'schaut, und dann sagt er mit
einem strahlen im gesicht, sog'ns amoi, san sie nicht der, der oane,
der do ab und zu singt. dann sog i zu ea'm, ja scho' ge, mei, hot er
g'sogt, des war a gaude, meg'ns nit schnö' a liadl singa, hob i grod
mei.... i hob, ... i hob, grod mei gitarre dabei g'hobt, ge, dann hob i
g'sogt, no also, zum sing'a, hob i überhaupt's koan bock, oba i sog
eich schnö' a gedicht. hob i g'sogt, hol amoi deine kollegen z'am,
dann, hot er dann drei von seine kollegen g'holt, so ein smiling,
hob'ns auf'ghobt, de buam. na dann hob i ea'm ganz spontan a
gedicht aufg'sogt. und zwoa hob i ea'm g'sogt. do hob i mein
irokeesen-schnitt noch g'hobt, muass i dazuasog'n, vielleicht hob'n
de desweg'n a bissl komisch reagiert, g'sogt:

i bin a lungenkranker punker
und knall mi jeden obend voll
du bist koa punker und a nit krank
du ist a oarschloch, du bist beim zoll



a uniform, a grean's kapp'l
a fingerhuat voll hirn
hoasst noch long nit, dass wos bist
aber a so konnst noch wos werd'n
liaba bin i nix und konn i nix
und werd' nie wos sei'
bevor i noch weniger bin, als jetzt scho' bin
und bin bei der polizei

neilich foa' i auf der rosenheimer-strass
i pass nit auf, weil i umdrah auf'n weiss'n strich
richtung heidhausen 'nauf
a polizist steht an der strass
schreibt sich mei autonummer auf
mehra, brauchst beim staat nit kenna'
bloss a so arbeit's di' hinauf
mehra, brauchst beim staat nit kenna'
bloss a so arbeit's di' hinauf

den ganz'n dog, foahr'ns bloss mit'n auto rum
und stengan ummanand
meist a block mit roude zett'l
und an bleistift in der hand
wenns't as brauchst, woart'st bis schwarz werst
wanns't net, donn sann's scho' do
wenn's nix sog'n soll'n, mochan's eana mei' auf
und red'n leit bloss saudumm oh'

foar z'ruck zu ea'm, und frog ihm
ob i jetzt was folsch g'mocht hob'
er glangt sofort an seine revolver her
anscheinend fühlt er sich bedroht
dann zitiert er paragraphen
und er sogt, er zoagt mi oh'
i sog, tua d'hond von deiner knarre weg
so a ding geht recht schnell los
i sog, tua d'hond von deiner knarre weg
so a ding geht recht schnell los

i setz mei sunndogs'loch'a auf
und sog gonz freindlich zu dem typ
wos er gla'bt, wos is jetzt moch'a soll
damit er ma' vergibt
schleichan's earn'a, sogt er
draht sich um und mecht grod geh'
i pack ihn sanft, bei seine wasch'l
und sog, dass i noch oiwei mit ea'm red
auf amoi, fangt der typ zum plärr'n oh'
i sog, schrei holt nit a so
es is grod mittagspause, pass nur auf
sunst zoagt di' noch oana oh'
oba der g'scheidere gibt noch
steig in mein wag'n ein, und foah los
zick zack, über'n weissen strick
der macht mi jetzt erst richtig oh'
zick zack, über'n weissen strick
der macht mi jetzt erst richtig oh'

300 mark, hot mi des 'kost
i woa mein schein zwoa monat los
seitdem griass i de polizei
bloss no'mit'n urologen-gruss
mir hatt's nit leid tun, um des geld
i hätt a 500 mark zoit'
es is guat onglegt, weil i woass, do baun's
an flugplatz in grea-woid
und schliesslich miass'n uns're staatsmänner
ja ah von etwas leb'n
wir tat' n'genscher, sunst a geld
für seine auslandsreisen geb'n
leckt's mi am arsch, mit eier'n bledsinn
koa mark seg'ts mehr von mir
nächst'moi sitz i mi nach stadl'heim
des zohlt's ma nämlich ihr
nächst'moi sitz i mi nach stadl'heim
des zohlt's ma nämlich ihr