do wo die sonn aufgeht
und da wo die berg s’ganze joar weiß san.
do wo da bergahorn im herbst – grea, göib und roud – sei gwand verliert.
do wo die großn und die gloana leid mitanand um oan tisch sitzn und du herst’as lacha.
do wo die oidn ihra zimma griang und koa angst ham vorm ster’m

do hob i’s troffa und ihr lachn woa wir a seele de ned hoam find,
do hob i’s gorcha und ihr duft hod an platz griagt in meim kopf.
do hob i g’hert wos’s zu mir sagt und i werd mei lebtag ned vergessn
wiar a se o’gfuit hod da erste kuss von ihr

do wo zua de lausbuam ausm dorf heit meine kinda a g’hern
und wo meine guadn freind vo damois heid die bösn nachbarn san.
do wo die kramerin im kramerlodn d’leid alle no beim nam’ nennt.
hey, da wo i scho oiwai blos da söllner wa hey i sogs eich do bin i dahoam.

do is ihr kopf an meina schulter g’leng und ganz gleichmassig war ihr atmen.
do hob i’s erste moi ned na g’sagt und ihr liebe hod mei lebn bedroht.
do hob i g’hert wos’s zu mir sagt und i werd mei lebtag ned vergessn
wiar a se o’gfuit hod da erste kuss von ihr

wiar a se o’gfuit hod da erste kuss von ihr

wennst amoi in die gegend kimmst dann schau nach ihr du kannst as ned verwechseln.
aba verliebt de ned in sie, ned das’s a dei lebn bedroht!
nimms bloß in arm und lass’s atmen und hey, trockne ihre tränen,
und sog ihr a ruhig das’s ma guad geht und das i jede nacht bloß dram vo ihr.

und das i an sie denk, i konn ihr lacha einfach ned vergessen,
und das i’s riacha konn ihr duft hod an platz griagt in meim kopf.
und das i manchmoi mit ihr red und i ma wünsch sie hod no ned ganz vergessn,
wiar a se o’gfuit hod da erste kuss von mir!
und das i ma wünsch sie hod no ned ganz vergessn,
wiar a se o’gfuit hod da erste kuss von mir.