des erste liad, wo i sing jetza, des hob i für a reih' von internationale und
nationale politiker g'schrieb'n, und zwoa hasst des liad "die zeit'n we'n
sich ändern". und i hob des domols g'schrieb'n, do hob i genau desselbe
frisur g'hobt, wia heit, bloss da zopf, woa a bissl länger.

an strauss sein buam, den schick'ma
zur bergwacht, in berchts´gadn
mit edelweis, die derf a', am untersberg eingrob'n
sei vodda, da franz josef, baut si' mohn im goat'n oh
muass bob dylan-texte lerna'
bis er's auswendig konn
der kiesel, derf in sendling, an altbau renoviern
der kichle, derf beim seebauer, die auslag' dekorieren
der tandler, im versuchslabor, probiert an sich selber aus
ob zahncreme in de aug'n brennt,
wenn ma's aus verseh'n, vertauscht

ja leit, de zeit'n we'n se ändern
de bled'n, san' donn g'scheid
wer heit no' fotz´n aufreisst
hoit morg'n vielleicht schon s'mai
de zeit'n we'n se ändern
d' wöid steht auf'n kopf
i hob in strauss sein haferl-schnitt
er kriagt dafür mein zopf

da genscher, derf in haar draus', behinderte betreu'n
da schmidt, auf'n olympiaturm, "no future" aufe'moin
der zimmermann, wird fremdenführer in dachau, im "kz"
da papst, bringt seiner köchin, s'frühstück heit ans bett
in "mu" singt heit da grenzschutz, da ertl spuit de ziach'
da reagan, trog't de kernkraftwerke ob und baut a kirch'
da kohl, lasst si' jetzt lift'n, er hat sei saudumm's lach'a satt
der khomeini, werd jetzt bundestrainer österreich's ernannt

ja leit, de zeit'n we'n se ändern
de bled'n, san' donn g'scheid
wer heit no' fotz´n aufreisst
hoit morg'n vielleicht schon s'mai
de zeit'n we'n se ändern
d' wöid steht auf'n kopf
i hob in strauss sein haferl-schnitt
er kriagt dafür mein zopf

der charles, is droschk'nfoahra, am chinesenturm
de thatcher, is im playboy, girl des monat's, word'n
da werner und da kiessling, kaffa'n sich a doppelbett
da kohl, holt eahnan d'stonga' und mischt no' fleissig mit
der geissler, macht zivildienst, als gärtner in grea'wold
da scheel, macht's abitur noch, und kriagt a koa boarfett zohl't
da stoiber, schreibt für'n zimmerschieder, politisch's kabarett
de kelli, pflanzt ihr grünes münchner-plastikbaum allee

ja leit, de zeit'n we'n se ändern
de bled'n, san' donn g'scheid
wer heit no' fotzn aufreisst
hoit morg'n vielleicht schon s'mai
und i, loss mi' von eich zum präsident'n wähl'n
wenn's olle, für mi' stimmt's,
braucht's dannoch nit auf mi' zähl'n