a dreckade strass im damaskus
heil hitler steht irgendwo an a rouden heiserwand
olle schauns aus wie da jesus
olle hams a scheens weiss gwand

olle glab i redns arabisch
aber englisch, aber englisch aber englisch glab i kennans a
koana von erna red boarisch,
drum pass i gorned auf, drum pass i gorned auf
was zu mir song


olle rauchas pfeifen und sie haschn
hee leid! olle redns bloss gscheid daher
i konn mei haus a grod ned verlassn, wos soll i song?
sonst nimmts ma wer!

da doktor ruaft oh, und i frogn:
„was gibt’s?“! und da doktor sogt
„was soits scho gebn? sie ham krebs und sie leben nu 3 monat“
ouh sag i des si aber scheisse-
so is des lem aber genau he, so is des lem, was soi i song?
so is des lem, hey so is des lem


a dreckade wohnung in kemptn
heil hitler steht im wohnzimmer überm schrank an da wand
i kenn an jedn, i kenn a jedn oanzlna von erna,
i sogs eich leid: se regiern in unsam land

olle glab i redns heid englisch
aber deitsch, aber deitsch aber deitsch kennans a
koana von erna red boarisch, drum pass i garned auf
was zu mir song


olle saufas whiskey und se koksen
olle redns bloss gscheid daher
se dran an gashan auf im gazastreifen
aber des is wurscht, da lebt a sowieso koana mehr

de scheene prinzessin geht zum scheissn, ey
da kloane prinz wichst im zimma danem … ouh gott
arabar, deitsche österreicher holländer preisn , was soi is song?
so is des lem aber genau he, so is des lem, was soi i song?
so is des lem, hey so is des lem


a sauberner friedhof in passau
de gräber san nu ordendlich und gepflegt
se ham an brunnen baut zum bleama giassn
des wenn’s in afrika seng, des wenn de afrikaner seng



(…) es riacht nach frischer erdn
a sonn geht auf, aber olle, aber olle hearst as rean
da pfarrer geht ganz stad und er red ganz verdächtig, sogt a
meine sehr geehrten herrn!


a so is des lem und ned anders
wenn’s anderscht wa, dann was ned mei lem
i konn ned arabisch i konn ned englisch
i konn ned amoi deitsch, so was soits gebn!

i hoff es gab nu schöne gedichte
und lauter liada nei und frisch, nei und frisch, hey
i konns eich ned besser erklärn, was soll i song?
so is des lem aber genau leid, so is des lem, schauts eich um
so is des lem, aber genau, so is des lem